Ўзбекистонга 3 февраль куни Каспий денгизи ҳудудларидан нам ҳаво массалари кириб кела бошлайди, деб хабар бермоқда “Ўзгидромет”.
Маълум қилинишича, 4 февраль, шанба куни республика ҳудуди бўйича баъзи жойларда ёмғир ёғади, шимолда ёғингарчилик (ёмғир, қор) бўлади.
Якшанба куни ҳудуднинг катта қисмида ёмғир ёғиши тўхтайди, фақат кечаси ва эрталаб марказий ва шарқий ҳудудларда бироз ёғингарчилик бўлиши мумкин. Ушбу кунларда ҳаво ҳарорати кечалари 0-5 даража илиқ, баъзи жойларда 2 даража совуқ, кундуз кунлари 5-10 даража илиқ атрофида бўлади.
Тошкентда 3 февраль куни кечга томон ва 4 февралда вақти-вақти билан ёмғир ёғади. Якшанба куни асосан ёғингарчилик кутилмайди, фақат кечаси ва эрталаб бироз ёғингарчилик бўлиши мумкин. Ҳарорат асосан кечаси 0-3 даража илиқ, кундузи 7-10 даража илиқ бўлади.
3—5 февраль кунлари тоғли ҳудудларда қор кўчиши хавфи сақланиб туради.
Изоҳ (1)
Яхши