Жаҳонгир Ўктамов “Меҳридарё” лойиҳасида иштирок этиш учун Тошкент вилоятидан келди. Унга шифокорлар томонидан ўпка саратони ташхиси қўйилган. Эндигина йигирма икки ёшни қаршилаган Жаҳонгир Ўктамов соғайиб кетишига умид қилмоқда.
— 2021 йилнинг декабрь ойида кучли йўтал безовта қилди. Бир ойга қадар уй шароитида даволанишга ҳаракат қилдим. Натижа яхши бўлмагач, шифокорлар қон таҳлиллари топширишимни ва жиддий текширувдан ўтишим кераклигини айтди. Таҳлил натижаларига кўра, менда ўпка саратони аниқланди. Шифокорлар зудлик билан кимётерапияни бошлаш кераклигини айтишди. 2022 йилнинг март ойидан бошлаб 12 марта кимётерапия олдим. Олтинчи маротаба олинган кимётерапиядан кейин ўсимда 11 см дан 6,3 см га қисқарди. Бундан жуда хурсанд бўлгандик. Афсуски, қандайдир сабабларга кўра, ўсимта яна ўса бошлади.
Фото: “Дарё”
Шукрки, ҳозир аҳволим бироз бўлса-да яхши. Аммо шифокорлар муолажани тўхтатмаслик кераклигини айтишяпти. Кимётерапия давлат томонидан қилингани билан дори-дармонларини ўзимиз сотиб оламиз. Битта кимётерапиянинг дори-дармонлари 5-7 миллион сўм туради.
Мендан кейинги укам юрак хасталиги билан дунёга келган. Икки бемор болани даволатиш оила аъзоларимга осон кечаётгани йўқ. Шу боис саховатпеша инсонлардан кўмак сўрамоқчиман. Кўнглим сезиб турибди, яқин кунларда соғайиб кетаман. Бунинг учун сиз азизларнинг ёрдамингиз керак. Аллоҳ қодир қилганча моддий кўмак беринг. Агар имконингиз бўлмаса, ҳаққимга дуо қилинг. Мен ҳам соғайиб сизлардек қўли очиқ, саховатли инсон бўлмоқчиман, — дейди Жаҳонгир Ўктамов.
Бемор йигитга моддий кўмак беришни истаган инсонлар учун унинг карта рақамини қолдирамиз.
8600 0201 3526 8600
Октамов Жахонгир
Мурожаат учун: +998 90 944 50 97
Лойиҳада иштирок этиш учун @mehridaryo_aloqabot’га мурожаат қилишингиз мумкин.
Изоҳ (0)