Жиззахда 4 киши ис газидан заҳарланиб, вафот этди

Жиззах шаҳридаги хонадонларда бирида 31 январь куни 4 кишининг мурдаси топилди. Бу ҳақда “Дарё”га Бош прокуратура матбуот котиби Ҳаёт Шамсутдинов хабар берди.

Мутахассисларнинг бирламчи маълумотига кўра, ҳодиса содир бўлган хонадонга ўрнатилган иситиш тизими табиий газдан фойдаланиш ва ёнғин хавфсизлиги қоидаларига зид экани кўрсатилган.

Суд-тиббий экспертизанинг маълумотига кўра, марҳумларнинг ўлимига ис газидан заҳарланиши сабаб бўлган. Ҳолат юзасидан Жиноят кодексининг 207-моддаси (мансабга совуққонлик билан қараш) 3-қисми “а” банди билан жиноят иши қўзғатилган.

Мавзуга доир:

• Самарқандда келин-куёв ис газидан заҳарланиб вафот этди
• Қашқадарёда бир оиланинг 4 аъзоси ис газидан вафот этди