Украина Разведка бош бошқармаси матбуот котиби Андрей Юсов Россия билан уруш февраль ойида қандай кечишини прогноз қилди. Бу ҳақда Fokus.ua хабар берди.
Унинг сўзларига кўра, айни дамда фронтдаги вазият оғир. Россия армияси олдинга силжишда давом этмоқда. Урушда рус ҳарбийларининг йўқотишлари Украина армиясидан кўра анча кўплиги айтилган.
“Рус қўшинлари ҳозирча тоқат қилмоқда. Лекин Россияга кетаётган жасадлар сони, шунингдек, оғир ярадорлар, менимча, эртами кечми, ҳатто бу зомбилашган жамиятга ҳам ўз таъсирини кўрсатади”, — дейди разведка ходими.
Юсовнинг айтишича, Россия Украинага халқаро ҳарбий ёрдам кучайиб бораётганини яхши билади. Бундан ташқари, тез орада Рамштейн авиабазасида учрашув бўлиб ўтади.
“Яқинда навбатдаги Рамштейн учрашуви бўлиб ўтади, унда Украинани ҳарбий қўллаб-қувватлаш ҳақида кўпроқ янгиликлар янграйди. Шунинг учун қисман сафарбар қилинган, ‘Вагнер’ ва бошқа хусусий ҳарбий компания ҳарбийлари ҳужум қилишда давом этмоқда”, — деди Юсов.
Унинг қайд этишича, Украина ҳарбийларининг маҳорати ва халқаро кўмак Россия ҳужумини қайтаришга ёрдам беради.
“Февраль март ойлари жуда фаол босқичда бўлади. Россия қўшинларининг аҳволини ҳисобга олсак, уларнинг сони бўйича жанг қилишдан бошқа иложи йўқ”, — таъкидлади Юсов.
Мавзуга доир:
Изоҳ (0)