Тошкент шаҳар Ободонлаштириш бош бошқармасига янги раҳбар тайинланди

Рустам Юсуповга Тошкент шаҳар Ободонлаштириш бош бошқармаси бошқарувчиси вазифасини вақтинча бажариш юклатилди.

Бу ҳақда 31 январь куни пойтахт ҳокими Бахтиёр Раҳмоновнинг тегишли фармойиши имзоланган.

Рустам Юсупов бунга қадар Тошкент шаҳар Ободонлаштириш бош бошқармаси бошқарувчисининг биринчи ўринбосари бўлган.

2021 йилнинг ноябридан буён Тошкент шаҳар Ободонлаштириш бош бошқармасига раҳбарлик қилиб келган Анвар Умаров ҳокимнинг 27 январдаги фармойиши билан лавозимидан озод қилинган. 

Шунингдек, бошқарма балансидаги моддий бойликларни инвентаризациядан ўтказиб, ўрнатилган тартибда топшириш-қабул қилиш ишлари ташкил этилиши белгиланганди.