Ўзбекистонда Ишбилармонлик фаоллиги индекси (ИФИ) 2022 йил декабрь ойида 1054 бирликни ташкил этиб, ноябрь ойига нисбатан 5,4 фоизга ошган. Бу ҳақда “Дарё”га Иқтисодий тадқиқотлар ва ислоҳотлар маркази хабар берди.
Шунингдек, ишбилармонлик фаоллиги индекси ўтган йилнинг мос даврига нисбатан эса 3,3 фоизли ўсиш қайд этилди.
2022 йилнинг декабрь ойида Ишбилармонлик фаоллиги индекси ўтган ойга нисбатан 5,4 фоизга ошиб, 1054 бирликни ташкил этиши, қуйидаги компонентлар даражасидаги ўзгаришларга боғлиқ бўлган:
- корхоналарнинг банк ҳисобварақаларидаги операциялар сони 4,9 фоизга ошган;
- фаолият кўрсатаётган корхоналар бўйича компонент 0,5 фоизга ошган;
- Товар-хом ашё биржасида хом ашё сотиб олиш жадаллиги 6,7 фоизга ошган;
- товар белгилари бўйича компонент 27,6 фоизга ошган.
Ҳудудлар кесимида Сирдарё вилоятида энг юқори ўсиш суръати қайд этилган.
2022 йил декабрь ойида Ишбилармонлик фаоллиги индекси 7 та ҳудудда ўтган ойга (2022 йил ноябрь) нисбатан ўсган.
Сирдарё (43,9 фоиз), Сурхондарё (35,9 фоиз), Андижон (28,8 фоиз), Бухоро (19,9 фоиз) вилоятлари ва Тошкент шаҳрида (22,7 фоиз) сезиларли даражада ўсиш кузатилган.
Шу билан бирга ушбу кўрсаткич 2 та ҳудудда камайган. Хусусан, Жиззах (-17,9 фоиз) ва Хоразм (-1,8 фоиз) вилоятларида ўтган ойга нисбатан камайиш кузатилган.
Изоҳ (0)