Россия ядровий шартноманинг асосий шартини бузди — АҚШ Давлат департаменти
АҚШ Давлат департаменти Конгрессга Кремл ядровий қуролларни назорат қилиш бўйича шартномани бузаётгани ва инспекциянинг Россия киришига рухсат бермаётганини айтди. Бу ҳақда ABC news хабар берди.
Маълум қилинишича, Россия ўз ҳудудида инспекция фаолиятини амалга ошириш бўйича янги START шартномаси доирасида мажбуриятини бажармаяпти.
“Россиянинг инспекция фаолияти билан ҳамкорлик қилишдан бош тортиши АҚШнинг шартнома бўйича муҳим ҳуқуқлардан фойдаланишига тўсқинлик қилади ва АҚШ-Россия ядро қуроллари назорати ҳаётийлигига таҳдид солади”, — дейилади хабарда.
Янги стратегик қуролларни қисқартириш шартномаси, одатда Янги START номи билан танилган бўлиб, АҚШ ва Россия ўртасидаги стратегик қуролларни чеклаш бўйича келишувдир. Шартнома шартларига кўра, ушбу чекловларни жойида текшириш, маълумотларни алмашиш текширилиши керак.
Иккала давлат ҳам пандемия даврида жойларда текширувлар тўхтатилиши кераклигига келишиб олганди, аммо Вашингтон амалиётни 2022 йилнинг ёзида қайта тиклашга тайёрлигини билдирган бир пайтда, Россия АҚШ томонидан ўрнатилган саёҳат чекловлари деб даъво қилиб, ўзининг ядровий арсеналига киришни тўхтатишда давом этгани таъкидланади.
Мавзуга доир:
- Россия Қримга ядровий қурол ташувчиларини жойлаштирди — Украина разведкаси
- Путин Қрим ҳудудидан ядровий провокациялар учун фойдаланмоқчи — Украина разведкаси
