«Ўзбекистонда TikTok ёмон нарсаларни кўрсатмайди». Қирғизистонда депутатлар ижтимоий тармоқни назорат қилишга чақирди

Қирғизистонда депутат Шайлобек Атазов Жўқорғу Кенешида TikTok ижтимоий тармоғи ёшлар мафкурасини ёмон томонга ўзгартираётганини айтиб, Маданат вазирлигига бу борада иш олиб бориш ва чора кўришга ​​чақирди. Бу ҳақда Zakon.kz хабар берди.

Депутат TikTok ёшларга қандай таъсир қилиши масаласини ўрганиш зарурлигини таъкидлади.

«TikTok ёшларга қандай таъсир қилишини текширишни ўрганиш бўйича кўрсатма беринг. Бизда миллий кампании бўлиши керак. Бошқа мамлакатларда, масалан, Ўзбекистон ва Тожикистонда TikTok ёмон нарсаларни кўрсатмайди", — деди Атазов.

Унинг нутқини депутат Таалайбек Масабиров ҳам қўллаб-қувватлади.

«Албатта, назоратга олиш керак. ТикТок'даги баъзи нарсаларга томоша қилиш ҳам хавфли, болаларимиз эса ҳаммасини томоша қилади. Бизда болаларни спортга, урф-одатларимизга, маданиятимизга тарғиб қилиш мафкураси бўлиши керак. Фарзандларим нима томоша қилаётганини доим назорат қиламан. Аввалига бундай нарса йўқ эди, лекин энди улар бошларига кийим кийиб тасвирга тушмоқда. Бизнинг менталитетимизга тўғри келмайдиган видеолар кўп», — деди Масабиров ва ижтимоий тармоқ қўшни мамлакатларда тақиқланганини айтди.

Аввал ҳам Қирғизистонда депутат TikTok'ни блоклашни таклиф қилганди . У тармоқда наркомания, спиртли ичимлик реклама қилинишини айтиб, таналар ҳам кўрсатилишини таъкидлаган. Шунингдек, депутат қирғиз менталитетига тўғри келмайдиган нарсаларни эълон қилинишини қўшимча қилган.

Мавзуга доир:

• АҚШда талабаларга TikTokъдан фойдаланиш тақиқланмоқда
• Қозоғистонда TikTokъдаги ўйин туфайли болалар ўз жонига қасд қилаётгани ҳақида хабарлар тарқалди