Ўзбекистонликлар орасида сўнгги пайтларда қиш учун экзотик мамлакатларга бориш, масофадан туриб ёки уйда ишлаш, иш кунларини кафеда ноутбукда ўтказиш оммалашди. Head Hunter сайти “Дарё”га ушбу соҳа вакиллари ҳақида маълумот берди.
-10.jpg)
Ўтган йил давомида “hh.uz” сайтида ўзини фрилансерликда кўраётган иш изловчилар сони уч баробардан кўпроқ, аниқроғи, 215 фоизга ошган. Бу сезиларли ўсиш.
Ўзбекистонда фрилансерликнинг нимаси жозибали?
Фрилансер сифатида ишлашнинг асосий афзаллиги сифатида иш изловчилар мослашувчан жадвалга эътибор беришади.
Кейинги ўринда ҳаракатчанлик — иш жойига қаттиқ боғланиш йўқ ва эркин ҳаракат қилиш мумкин.
“Ўзларига ёқадиган” ишни танлаш имконияти имкониятида фрилансерликни янада жозибалироқ қилади. Улар фақат ўзлари ёқтирган лойиҳаларда ишлаши мумкин.
Бундан ташқари ўз иши учун мустақил равишда жавобгарликни ўз зиммасига олиш қобилияти ҳам муҳим рол ўйнамоқда.
Кўпчилик иш изловчиларнинг фикрича, “эркин ишлаш” касбий ва шахсий ўсиш учун кўплаб имкониятлар беради.
“hh.uz“ сайти резюмеларни таҳлил қилиб, Ўзбекистонда кўпинча фрилансер сифатида ўз хизматларини таклиф қиладиган мутахассисларнинг учта асосий гуруҳини аниқлади.
Биринчи гуруҳга IT мутахассислари, дастурчилар ва бошқалар киради. Кейинги гуруҳлардан рассомлар ва дизайнерлар, сўнгра савдо менежерлари жой олган.
Фрилансерларнинг иш ҳақи қандай?
2022 йил учун иш берувчилар фрилансерларга соҳаси, тажрибаси ва малакасига қараб 1 500 000 сўмдан максимал 20 000 000 сўмгача маош таклиф қилди.
Бундан фрилансерларнинг маошлари ҳеч қандай ҳолатда офис ходимларининг маошларидан кам эмаслигини хулоса қилиш мумкин.
Изоҳ (0)