Лука Модрич Саудия Арабистони ва MLSдан келган таклифларни рад этди 

Хорватиялик ярим ҳимоячи Лука Модрич “Реал”ни тарк этишни истамаяпти.

Модрич “Ан-Насср” клубининг таклифини рад этди. Ар-Риёд жамоаси футболчига йилига 40 миллион евро маош беришга тайёр эди.

АС нашрининг хабарига кўра, Лука Саудия Арабистонининг бошқа бир жамоасидан ва MLSдан таклиф олган, бироқ бу таклифларни ҳам рад этган. У “Реал”да яна бир мавсум қолмоқчи.

37 ёшли футболчининг “қаймоқранглилар” билан шартномаси жорий мавсум охирида ўз ниҳоясига етади.