Самарқандда 2 киши овқатдан заҳарланиб вафот этди

Самарқанд вилояти Қўшработ туманида 6 январь куни 5 киши овқатдан заҳарланди. Бу ҳақда Бош прокуратура ахборот хизмати хабар берди.

Маълум бўлишича, кўрсатилган тиббий ёрдамга қарамасдан, 24 ёшли Э.Ш. (эркак) 14 январь куни, 26 ёшли Э.Д. (аёл) 26 январь куни вафот этган.

Мазкур ҳолат юзасидан  Қўшработ тумани прокуратураси томонидан терговга қадар текширув ҳаракатлари олиб борилмоқда.

Санитария-эпидемиология қўмитаси овқатдан заҳарланиш асосан уй шароитида тайёрланган консерва маҳсулотларини истеъмол қилиш оқибатида содир бўлишини маълум қилган.

Мавзуга доир: Тошкентда қурилиш ишчилари овқатдан заҳарлангани юзасидан жиноят иши қўзғатилди