Қорақалпоғистоннинг Нукус туманидаги кўп қаватли уйда газдан портлаш содир бўлди. Бу ҳақда “Дарё” мухбири хабар берди.
Маълум бўлишича, воқеа бугун, 31 январь куни соат 07:30 да Нукус туманидаги “Ақтерек” маҳалласи кўп қаватли уйдаги хонадонларнинг биридаги ошхонада содир бўлган.
Ҳодиса оқибатида 4 нафар шахс оғир тан жароҳати олиб, Нукус шаҳридаги Республика кўп тармоқли тез тиббий ёрдам марказига олиб келиб жойлаштирилган. Ҳозирда улар шифокорлар назоратида қолмоқда.
Аввалроқ Қорақалпоғистоннинг Нукус шаҳридаги кўп қаватли уйда содир бўлгани, газ портлаган уй вайроналари остидан 5 ёшли қизалоқ қутқарилгани, беш кишининг жасади топилгани ҳақида хабар берилганди.
Изоҳ (0)