Давактив агентлиги “Қўқон биокимё” компанияси устав капиталидаги 99,7 фоиз давлат акциялари пакетини 277,0 млрд сўмга First Premium Alliance МЧЖга сотиш бўйича келишувга эришилганини маълум қилди.
Корхонани хусусийлаштириш натижалари Давлат мулкини сотишда тендер савдоларини ўтказиш бўйича давлат комиссиясининг тегишли қарори билан маъқулланган.
“Қўқон биокимё” Ўрта Осиё ҳудудида энг катта бўлган озуқа этил спирти ишлаб чиқарувчисидир.
First Premium Alliance алкоголь маҳсулотларини улгуржи ва чакана сотишга ихтисослашган компания ҳисобланди.
Компанияда озиқ-овқат маҳсулотларининг хавфсизлиги бўйича халқаро ISO 22000:2005 стандарти жорий этилган. Таъсисчилар Тошкент шаҳрида алкоголь маҳсулотларини ишлаб чиқарувчи йирик заводга эга.
Таъкидланишича, компаниянинг МДҲ мамлакатларида йирик дистрибюторлик тармоқлари мавжудлиги “Қўқон биокимё” кейинги фаолиятини ривожлантириш, қўшимча инфраструктура яратиш имкониятини яратади.
Бугунги кунда Компания Legion, Lavine, Duty Free International Airport каби йирик ритейлик тармоқлари билан ҳамкорликда фаолият кўрсатиб келмоқда.
Изоҳ (0)