Покистоннинг Пешовар шаҳридаги масжидда юз берган портлаш оқибатида ҳалок бўлганлар сони 59 кишига етди, яна 157 киши ярадор аҳволда, деб хабар бермоқда Dawn газетаси маҳаллий шифохона вакилига таяниб. Reuters маълумотларига кўра, қурбонлардан 27 нафари полициячилар.
Ҳуқуқ-тартибот идоралари маълум қилишича, масжид ичида бир неча киши вайроналар остида қолгани боис қутқарув операцияси давом этмоқда.
“Шаҳардаги шифохоналарда фавқулодда ҳолат эълон қилинди ва ярадорларга энг яхши тиббий хизматлар кўрсатилмоқда”, — деди газетага юқори мартабали амалдор.
30 январь куни Пешовардаги масжидда портлаш содир бўлди. Ҳодиса пайтида бино ичида 400 га яқин одам бўлган. Полиция маълумотларига кўра, масжид ичидаги одамлардан бири намоз ўқиш учун навбатда турган пайтда ўзини портлатган.
Изоҳ (0)