“Ўзгидромет” февраль ойида қандай об-ҳаво кутилаётганини маълум қилди

“Ўзгидромет” февраль ойида кузатиладиган об-ҳаво ҳақида маълумот берди.

Унга кўра, февраль ойининг биринчи ўн кунлигида ҳарорат асосан кечалари 0-5 даража илиқ, баъзи жойларда 2 даража совуқ, кундуз кунлари 3-8 даража илиқ, баъзи жойларда 10-12 даража илиқ, шимолда кечалари 3-8 даража совуқ, кундуз кунлари 2-7 даража илиқ атрофида бўлади.

Ўн кунлик нисбатан ёғингарчиликка бой бўлади. Республиканинг барча ҳудудлари бўйича вақти-вақти билан асосан ёмғир кўринишидаги ёғингарчилик бўлади. Баъзи жойларда қорга айланса ҳам, асосан, ёмғир ёғади.

Кейинчалик, февраль ойининг охиригача ҳарорат кечалари 2-7 даража илиқдан 0-5 даража совуққача, кундуз кунлари 2-7 даража илиқдан 12-17 даража илиққача ўзгариб туриши кутилмоқда.

Айрим кунларда республика бўйича баъзи жойларда қор ва ёмғир кўринишидаги ёғингарчилик бўлади.