Мактабгача ва мактаб таълими вазирига ўринбосарлар тайинланди
Президент қарори билан Мактабгача ва мактаб таълими вазиригида янги тайинловлар амалга оширилди.
Халқ таълими вазирининг биринчи ўринбосари лавозимида ишлаган Усмон Шарифхўжаев мактабгача ва мактаб таълими вазири биринчи ўринбосари бўлди.
Темуржон Комилов, Дилшод Кенжаев, Узоқбой Бегимқулов мактабгача ва мактаб таълими вазири ўринбосарлари этиб тайинланди.
Тайинловга қадар Темуржон Комилов халқ таълими вазири ўринбосари лавозимида, Дилшод Кенжаев президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимида, Узоқбой Бегимқулов олий ва ўрта махсус таълим вазирининг фан ва инновациялар бўйича ўринбосари лавозимида ишлаб келган.
Алишер Уббиев ушбу вазирлик ҳузуридаги Ихтисослаштирилган таълим муассасалари агентлиги директори лавозимига тайинланди. Тайинловга қадар Президент таълим муассасалари агентлиги директори ўринбосари лавозимида ишлаб келаётганди.
Бошқа ишга ўтиши муносабати билан:
- Баходиржон Онорбоев мактабгача таълим вазирининг биринчи ўринбосари лавозимидан, Нодир Муслитдинов мактабгача таълим вазири ўринбосари лавозимидан;
- Иброҳим Жўраев ва Voxобжон Ражапов халқ таълими вазири ўринбосари лавозимидан озод этилди.
Эслатиб ўтамиз, Мактабгача ва мактаб таълими вазирлигига Ҳилола Умарова раҳбарлик қилиб келмоқда.
