“Интер” “Манчестер Юнайтед” сардорига қизиқиш билдирмоқда 

Италиянинг “Интер” жамоаси “Манчестер Юнайтед” сардори Ҳарри Магуайрга қизиқиш билдирмоқда.

Daily Mail нашрининг хабар беришича, “нераззури” англиялик ҳимоячини ижарага олиш борасида таклиф юборган. “Интер” Магуайрни “ПСЖ”га ўтаётган Милан Шкриньярга ўринбосар сифатида кўрмоқда.

Ҳаррининг ўзи ёзга қадар “Манчестер Юнайтед” сафида қолиб, жамоадаги ҳолатини баҳолаганидан сўнг келажаги ҳақида қарор қабул қилишни хоҳламоқда.

Ҳарри Магуайр 2022/23 йилги мавсум АПЛда 8 та ўйинда майдонга тушган.