18 млндан 30 млн долларгача: қизил гиламда машҳурларни безаган энг қиммат заргарлик буюмлари (фото)

Голливуд юлдузларининг қизил гиламда тақиб чиққан ҳашаматли маржон, узук, сирға ва билагузукларининг баҳоси баъзида самолёт нархига тенг бўлади.

Леди Гаганинг кулони (30 миллион доллар)

Фото: Marie Claire

Бу кулон, албатта, мода тарихига кирди (ва бир неча марта). Леди Гага 128,54 каратли Tiffany & Cо сариқ олмосли маржонни “Юлдуз туғилди” фильмидаги роли сабаб “Оскар”га сазовор бўлган куни таққан. Ноёб тош 19-асрнинг энг муҳим геммологик топилмаларидан бири ҳисобланади. У 1877 йилда Жанубий Африкадаги Кимберли конларидан топилган. Компания асосчиси Чарльз Луис Тиффани 1878 йилда ишлов берилмаган олмосни сотиб олиш билан бренднинг "ёрқин" обрўсини мустаҳкамлайди. Маржоннинг нархи 30 миллион долларни ташкил этади ва қўшиқчидан олдин Одри Хепберн “Тиффанидаги нонушта” култ фильмини реклама қилганида ҳашаматли безакдан фойдаланган.

Шарлиз Тероннинг маржони (15,8 миллион доллар)

Фото: Marie Claire

2014 йилда Шарлиз Терон “Оскар” маросимининг қизил гиламида Harry Winston брендига тегишли салкам 16 миллион долларлик маржонда пайдо бўлди. Марварид 21 каратли зумрад билан безатилган бўлиб, унинг ҳашаматли олмос сирғалари билан ажойиб тарзда уйғунлашган. Шарлиз ўша базмда таққан заргарлик буюмларининг умумий қиймати 15,8 миллион долларни ташкил этди.

София Вергаранинг сирғалари (7 миллион доллар)

Фото: Marie Claire

2013 йилги “Эмми” мукофотининг қизил гиламида София Вергаранинг 7 миллион долларлик сирғалари олқишларга сазовор бўлди. Lorraine Schwartz брендининг безаги марварид ёқут, сафир ва Колумбия зумрадлари билан безатилган.

Николь Кидманнинг маржони (7 миллион доллар)

Фото: Marie Claire

Ҳашаматли маржон нафақат қиммат, балки жуда ғайриоддий дизайнга эга. 2008 йилда “Оскар” маросими учун Николь L’Vren Scott’га тегишли 7500 та олмос билан безатилган тахминан 7 миллион долларлик олмос маржонини танлади. Бундай заргарлик буюмини яратиш учун 6000 соатдан кўпроқ вақт керак бўлган, аммо натижа бунга арзийди.

Кейт Бланшеттнинг сирға, узук ва билагузуги (18 миллион доллар)

Фото: Marie Claire

Ҳеч ким олмос ва ҳашаматли Giorgio Armani либослари билан Кейт Бланшетт каби органик кўринмайди. 2014 йилда “Оскар” қизил гиламида у ажойиб Chopard тақинчоқларини танлади: опал сирға, олмос билагузук ва ҳашаматли нок шаклидаги тошли узук. Заргарлик буюмларининг умумий қиймати 18 миллион долларга етди.

Анжелина Жолининг сирғаси (2,5 миллион доллар)

Фото: Marie Claire

Анжелина Жоли ўзига хос кийинишни билади. Шу билан бирга, у диққат марказида бўлиш учун жозибали ва қиммат либосда кийиниши шарт эмас. 2009 йилда Жоли Оскар маросимида зумраддан ясалган сирғалар билан тўлдирилган оддий қора либосда чиқди. Ажойиб безаклар нархи 2,5 миллион долларга тенг.

Леди Гаганинг маржони (5 миллион доллар)

Фото: Marie Claire

Леди Гага чиройли ва қимматбаҳо заргарлик буюмларини яхши кўради. 2019 йилда “Олтин глобус”га дабдабали Tiffany & Cо маржонларини тақиб келди. 20 каратли нок шаклидаги марказий тош 300 та бошқа олмос билан ўралган. Заргарлик буюмларининг нархи 5 миллион долларга тенг.