Россия нефти Осиёга Испаниянинг Сеута ярим эксклави (Африканинг шимолий қирғоғи) орқали орқали етказилади. Бу ҳақда Bloomberg хабар бермоқда.
Бу юк ташиш харажатларини камайтириш, санкцияларни четлаб ўтиш ва логистикани соддалаштириш имконини беради.
Агентликнинг қайд этишича, Россия ўз нефтини чегирма билан сотаётганига қарамай, экспорт ҳажми катталигича қолмоқда.
2022 йилда Россия қўшинлари Украинага киришидан олдин, мамлакат ўз нефтини ташиш учун Сеута яқинидаги сувлардан камдан-кам фойдаланган.
Ўшанда Москва хом ашёни тўғридан тўғри Европа нефтни қайта ишлаш заводларига кичик танкерларда жўнатарди. Аммо кейинчалик Россия Испания шаҳридан кемадан кемага қайта юклаш учун база сифатида фойдаланишни бошлади — дастлаб вақти-вақти билан, ҳозир эса мунтазам.
Йўналиш қуйидагича: Россия Болтиқ денгизидаги Приморск ва Уст-Луга каби экспорт терминалларида кичик Афрамах танкерларига хом нефть юкламоқда.
Бу кемалар нефтни Сеутага ташийди. Испания шаҳри яқинида 700 минг баррелга яқин Аframaxes йирик хом нефть ташувчиси, VLCC типидаги супертанкер келишини кутади. Аframaxes VLCC’га яқинлашади ва ёқилғини кемадан кемага ўтказади.
Одатда, камида 2 миллион баррелни ташиш мумкин бўлган битта VLCC’ни юклаш учун учтагача бундай операциялар талаб қилинади. Шундан сўнг VLCC Африкани четлаб ўтиб, Осиёга саёҳатини бошлайди.
Bloomberg таъкидлашича, декабрь ойидан бери олтита VLCC буни 15 дан ортиқ Аframaxes билан амалга оширди. Агентлик маълумотларига кўра, ҳозирда иккита VLCC танкерлар туширилишини кутмоқда.
Маълумотларга кўра, бу орқали Россия халқаро ҳуқуқни бузмайди. Гарчи танкерлар вақти-вақти билан Сеута ва Испания ҳудудий сувларига яқинлашса ҳам, одатда чегарани кесиб ўтмасдан қирғоқдан 12 денгиз мили масофасида қолади. Бу танкерлар асосан россиялик ва хитойликларга тегишли.
Агентлик Россия учун Сеутадан фойдаланишнинг афзалликларини санаб ўтди. Биринчидан, бу тез: Болтиқбўйидан Сеутагача бўлган йўналиш ўн кун вақт олади. Агар Хитойга йўналиш давом этса бунга 40 кун қўшилади.
Иккинчидан, харажат сезиларли даражада камаяди: Аframaxеs’га қараганда VLCC’ларда хом нефтни жўнатиш анча арзон. Ҳозирда кўпроқ VLCC мавжуд, шунинг учун улардан фойдаланиш арзонроқ. VLCC ижараси кунига 20 минг доллардан кам, Аframaxes эса кунига 55 минг доллар туради.
Учинчидан, Сеута қулай жойда жойлашган: Ўрта Ер денгизи ичида у бўронли шамоллардан ҳимояланган. Шу билан бирга, шаҳар Гибралтарга яқин жойлашган бўлиб, юкларни олиб кетувчи VLCC’лар кўп вақтни йўқотмасдан Африка ва Осиёни айланиб чиқиш учун тезда очиқ сувларга қайтиши мумкин.
Изоҳ (0)