Қорақалпоғистоннинг Нукус шаҳри ва туманларида метан газ заправкалари фаолиятига рухсат берилди. Бу ҳақда “Дарё” мухбири Шуҳрат Саидаҳмадов хабар қилди.
Маълум бўлишича, заправкалар фаолиятига бугун, 30 январь куни туш пайтидан бошлаб рухсат берилган.
Нукусдаги метан заправкалари махсус тасдиқланган жадвал асосида фаолият юритишни бошлайди. Бугун, 30 январь туш пайтидан бошлаб фаолияти қайта тикланган заправкаларда бир неча километргача чўзилган навбатлар бор, — дейди бу ҳақда метан газ заправкаларида бўлиб хабар берган “Дарё” мухбири.
Шуҳрат Саидаҳмадовнинг қўшимча қилишича, фаолиятига рухсат берилган метан заправкаларида жамоат транспортлари учун махсус йўлак ташкил этилиб, алоҳида навбатда туриш тартиби йўлга қўйилган.
Аввалроқ кунлар исий бошлаши билан барча ҳудудлардаги метан газ заправкалари фаолиятига рухсат берилиши хабар берилганди. Марказий банк раиси Мамаризо Нурмуродов ОАВ вакиллари билан мулоқотида метан газ заправкалари фаолиятига рухсат берилгач, уларда нарх ошиши мумкинлигини таъкидлаганди.
Изоҳ (0)