НАТО бош котиби Йенс Столтенберг Россия президенти Владимир Путин Украинага қарши уруш борасидаги мақсадларини ўзгартирмагани, аксинча янги ҳужумга ҳозирлик кўраётганини айтди.
Столтенберг Жанубий Корея пойтахти Сеулдаги CheY малака ошириш институтида сўзлаган нутқида бу ҳақда гапирди.
“Бугун ҳеч ким уруш қачон тугашини айтолмайди. Лекин шуни аниқ биламизки, агрессив уруш Путин томонидан қўзғатилган. Айнан у бошқа давлатга, Европадаги суверен демократик давлатга бостириб киришга қарор қилган ва бугунги кунда урушни тўхтатиши мумкин. Аммо муаммо шундаки, у ва Москва расмийлари тинчликка тайёрланаётгани ҳақида ҳеч қандай белги кўрмаяпмиз”, — деб тушунтирди Столтенберг.
НАТО бош котиби Россия ҳаракатларида янги ҳужумга тайёргарлик акс этаётгани, чунки тобора кўпроқ аскарлар сафарбар қилиниб, қурол ва ўқ-дорилар сони фаол равишда кўпаяётганини айтди. Столтенберг Шимолий Корея ва Эрон Россияга таъминот арсеналини тўплашда ёрдам бераётганини таъкидлади.
“Энг муҳими, президент Путиннинг ушбу босқиндан умумий мақсадини кўрмаяпмиз. Шундай экан, биз узоқ йўлга тайёр бўлишимиз керак”, — деди Йенс Столтенберг.
Шунингдек, у Путиннинг урушда ғалаба қозонишига йўл қўймаслик муҳимлигини таъкидлади, акс ҳолда бу нафақат украиналиклар, балки бутун цивилизациялашган дунё учун фожиа бўлишини қайд этди.
“Шунинг учун Украинани қўллаб-қувватлашда давом этишимиз жуда муҳим. Мен НАТО иттифоқчилари, ҳамкорлари ва Кореянинг қўллаб-қувватлашини олқишлайман ва бунга тайёр бўлишимиз керак”, — деди Столтенберг.
НАТО бош котибининг айтишича, бу уруш қайсидир нуқтада музокаралар столида тугаши мумкин.
“Аммо биз биладиган нарса шундаки, музокара столда содир бўлаётган воқеалар ва жанг майдонидаги вазиятга тўлиқ боғлиқдир. Шунинг учун агар ҳақиқатан ҳам Украина Европада суверен, мустақил давлат сифатида ғалаба қозонишини истасак, ҳозир уни қўллаб-қувватлашимиз керак.
Путин жанг майдонида ғалаба қозонишига ишонар экан, у музокаралар столига ўтирмайди. Демак, парадокс шундаки, аслида Украинани ҳарбий қўллаб-қувватлаш урушни тинч музокаралар йўли билан ҳал қилишга эришишнинг энг яхши йўлидир”, — деди у.
Мавзуга доир:
Изоҳ (2)
daryo muxbirlari iltimos haqiqatga yaqinroq yangiliklarni chiqaringizlar ukraina haqida
natodagilar bunchalar katta ketishadi