АҚШ собиқ президенти Дональд Трамп яна президентликка номзодини қўйиш учун сайловолди кампаниясини бошлади. У Нью-Хемпшир ва Жанубий Каролинада тарафдорлари билан учрашувлар ўтказди, деб хабар бермоқда CNBC.
Тадбирлар Трамп илгари ўтказган шовқин-сўронли митинглардан фарқ қилади, деб таъкидлайди телеканал. Хусусан, Колумбия шаҳрида (Жанубий Каролина) Трамп атиги 200 киши билан гаплашган.
“Ҳозир мен аввалгиданда дарғазабдман, ҳар қачонгидан кўпроқ мақсадимда қатъийман”, — деди Трамп Нью-Хемпширдаги Республикачилар партиясининг йиллик йиғилишида.
2022 йилнинг ноябрь ойида Трамп 2024 йилда бўлиб ўтадиган президентлик сайловларида қатнашиш нияти борлигини маълум қилганди. Трамп вакиллари овоз беришда иштирок этиш учун Федерал сайлов комиссиясига ҳужжатларни тақдим этди.
Дональд Трамп 2017 йилдан 2020 йилгача АҚШ президенти бўлган. 2020 йилда у Американинг амалдаги етакчиси Жо Байденга сайловда ютқазган. Байден 2024 йилги сайловда қатнашиш қарорини ҳали расман эълон қилгани йўқ.
Изоҳ (0)