Ўзбекистон Республикаси Вазирлар Маҳкамасининг фармойишлари асосида “Ўзбекнефтгаз” акциядорлик жамиятига республиканинг Устюрт, Бухоро—Хива, Фарғона, Ҳисор ва Марказий Қизилқум регионларида геология-қидирув ишларини олиб бориш учун нефть ва газга истиқболли бир қатор конлар ва майдонлар ажратилган.
Мазкур қарор ва фармойишлар билан “Ўзбекнефтгаз” АЖ олдига 2020—2025 йиллар мобайнида ушбу конларда қидирув босқичини якунлаш ҳамда ажратилган янги майдоннинг нефтгазлилик истиқболини баҳолаш орқали белгиланган углеводород ҳом-ашё заҳирасини ўстириш топшириғи қўйилган.
Мазкур топшириқ ижросини таъминлаш мақсадида “Ўзбекнефтгаз” АЖ бўйича углеводород хом-ашё базасини ривожлантириш ва қайта ҳосил қилиш бўйича йиллик ишлаб чиқилган Дастурлар асосида геология-қидирув ишлари олиб борилмоқда.
Геология-қидирув ишлари якунланган конлар натижалари асосида уларнинг якуний заҳираларини баҳолаш ишлари амалга оширилади.
“Ўзбекнефтгаз” АЖ Геология департаменти маълумотларига кўра, акциядорлик жамияти томонидан 2020—2022 йиллар мобайнида якуний заҳираларни ҳисоблаш бўйича ишлаб чиқилган чора-тадбирлар асосида углеводород ва фойдали қазилмалар заҳиралари бўйича қуйидаги конлар Давлат заҳиралари комиссиясида тасдиқланди.
- 2020 йилда “Чаккақум-Шимолий Сузма”, “Муродтепа-Атамурод” конлари.
- 2021 йилда “Дўлтатепа”, “Marvarid”, “Жанубий Кулбешкак”, “Учтепа” конлари.
- 2022 йилда “Тўмарис”, “Арслон”, “Шўртак” конлари.
2023 йилд ҳам ушбу Дастур ижросини таъминлаш мақсадида “Ўзбекнефтгаз” АЖ томонидан чора-тадбирлар ишлаб чиқилган. Унга кўра “Ёрмоқ», “Андакли”, “Шорқум”, “Ўртақум”, “Ижобат”, “Ўртабулоқ” (тер.юра), “Чақар” ва “Тарнасой” каби конларнинг якуний заҳираларни ҳисоблаш белгилаб олинган.
“Ўзбекнефтгаз” АЖ матбуот хизмати
Изоҳ (0)