Нукусдаги 4 қаватли уйда газ чақнади (видео)
Қорақалпоғистоннинг Нукус шаҳридаги кўп қаватли уйда 29 январь куни газ чақнади. Фавқулодда вазиятлар вазирлиги ҳолат юзасидан маълумот берди.
Қайд этилишича, соат 16:15 ларда Нукус шаҳри “Темир жол” маҳалласида жойлашган 4 қаватли уйда дастлабки маълумотларга асосан ҳаво-газ аралашмасининг чақнаши содир бўлган.
Воқеа жойида Фавқулодда вазиятлар бошқармаси қутқарувчилари ҳамда Фавқулодда вазиятлар давлат тизимига кирувчи ташкилотлар ходимлари томонидан вазият оқибатларини бартараф этиш ишлари олиб борилмоқда.
Қорақалпоғистон Соғлиқни сақлаш вазирлиги хабарига кўра, чақнаш оқибатида 2003 йилда туғилган С.Ш. ҳамда 2004 йилда туғилган З.А. куйиш жароҳати олиб, шаҳар шифохонасига жойлаштирилган. Мазкур ҳодиса Марказий кенгаш назорати остида.
Мавзуга доир:
