Австралиянинг Мелбурн шаҳрида эркаклар ўртасида Australian Open мусобақасининг финали 29 январь, якшанба куни ўтказилди.
Ҳал қилувчи баҳсда сербиялик Новак Жокович Греция вакили Стефанос Циципас билан баҳс олиб борди. Уч сет давом этган баҳсда Жокович 6:3, 7:6, 7:6 ҳисобларида ғалаба қозонди.
Шу тариқа Жокович Australian Open’нинг 10 карра ғолибига айланди. Бу сербиялик фаолиятидаги “Улкан тож” туркумига кирувчи 22-соврин бўлди. Новак етти марта Уимблдон, уч марта US Open ва икки бор Ролан Гарросда зафар қучган.
Жокович фаолиятидаги 93-совринни қўлга киритди ва бу борада Рафаэль Надални ортда қолдирди. Фақат Иван Лендл (94), Рожер Федерер (103) ва Жимми Коннорс (109) бу борада Жоковичдан олдинда.
Қайд этиш керак, Жокович 2022 йилги Australian Open турнирини вакцинациядан ўтмагани боис ўтказиб юборганди.
Australian Open
Финал
29 январь, якшанба
Новак Жокович (Сербия) — Стефанос Циципас (Греция) 6:3|7:6|7:6
Изоҳ (0)