НАТО ҳарбий қўмитаси раиси адмирал Роб Бауэр Шимолий Атлантика альянси Россия билан қарама-қаршиликка тайёрлигини айтди. У Португалиянинг RTP телеканали эфирида бу ҳақда гапирди.
Адмиралнинг сўзларига кўра, Россия альянсга аъзо мамлакатлардан бирига бостириб кириш орқали қизил чизиқни кесиб ўтган тақдирдагина НАТО жавоб беришга тайёр бўлади. Бауэр НАТО ҳарбий ташаббус бўйича ўз монополиясини йўқотганини ва айни дамда альянснинг устувор йўналиши қайта қуролланиш эканини айтди. У Россиянинг стратегик мақсадлари Украина чегарасидан ташқарига чиқаётгани ва Москва “Совет Иттифоқининг қайтиши”га интилаётгани ҳақидаги фикрни билдирди.
НАТО расмийси у Украинага Ғарб қуролларини етказиб бериш можаронинг авж олиши эмаслиги, чунки “Украина ўзига тегишли нарсаларни қайтаришга ҳаракат қилаётганини таъкидлади ва агар Россия тўхтаса, унда кескинлашув бўлмаслигини хулоса қилди.
Аввалроқ Венгрия бош вазири НАТО қўшинлари Украинага юборилиши мумкинлигини айтганди. Унинг фикрича, агар Россиянинг баҳорги ҳужуми муваффақиятли ўца, НАТО давлатлари Украинага қўшин юбориш масаласини кўриб чиқиши керак.
Bloomberg нашри Путин Россия армиясидаги йўқотишларга қарамай, баҳорда Украинага қарши янги ҳужумни режалаштираётганини хабар қилганди.
Изоҳ (0)