Профессионал бокснинг супер ўрта вазн тоифасида ҳаракат қилаётган Бектемир Мелиқўзиев (11-1, 9 КО) ўзининг навбатдаги жангини Ўзбекистон вақти билан 29 январь тонгида ўтказди.
АҚШнинг Инглвуд шаҳрида (Калифорния штати) ўтказилган бокс оқшомида ўзбекистонлик спортчига америкалик Улисес Сиэрра (17-3-2, 10 КО) рақиб бўлди.
Жанг Ўзбекистон вакилининг устунлигида бошланди. Учинчи раунднинг сўнгида Бектемир рақибининг тана қисмига кучли зарба йўллаб, Сиэррани нокаутга учратди.
Ушбу ғалаба эвазига Мелиқўзиев WBA Америка минтақавий камарига эга чиқди.
Изоҳ (0)