“Азал” авиакомпанияси Боку ва Урганч ўртасида парвозларни йўлга қўйди

Озарбайжоннинг “Азал” авиакомпаниясининг 28 январдан Бокудан Урганчга парвозларни бошлади.

Uzbekistan Airports мабуот хизматининг маълум қилишича, Боку—Урганч—Боку янги йўналиши бўйича мунтазам рейслар ҳафтада бир марта — шанба кунлари амалга оширилиши режалаштирилган.

Урганч Озарбайжон авиаташувчиси парвоз қила бошлаган Ўзбекистондаги тўртинчи шаҳар бўлди. Бокудан Тошкентга рейслар ҳафтасига икки марта — пайшанба ва якшанба кунлари мунтазам равишда амалга оширилади. Бокудан Самарқандга — сешанба ва пайшанба кунлари. Бокудан Фарғонага — пайшанба кунлари.

1992 йилда ташкил этилган Озарбайжон ҳаво йўллари (“Азал”) авиакомпанияси йирик авиаташувчи бўлиб, Boeing ва Airbus самолётларининг замонавий паркига эга бўлган МДҲ мамлакатлари авиация ҳамжамиятидаги етакчилардан бири ҳисобланади.