28 январь куни Хоразм вилояти Урганч шаҳрида Nexia зовурга тушиб кетди. Бу ҳақда Фавқулодда вазиятлар вазирлиги хабар қилди.
Қайд этилишича, шу куни соат 08:23 да Хоразм вилояти ФВБга Nexia-3 автомобили ҳайдовчиси эҳтиётсизлик оқибатида бошқарувни йўқотиб, Урганч шаҳар Наврўз шаҳарчасидан оқиб ўтувчи зовурга тушиб кетгани тўғрисида хабар тушган.
Айтилган манзилга зудлик билан ФВВ қутқарувчилари етиб бориб, махсус техника ва асбоб-анжомлар ёрдамида автомобилларни зовурдан олиб чиқди.
Ҳодиса оқибатида тан жароҳати олган ва ҳалок бўлганлар йўқ.
Изоҳ (0)