Сирдарё вилояти Сайхунобод туманида 5 гектар ерни танишлари орқали сотмоқчи бўлган шахслар ушланди. Бу ҳақда ЎзА хабар қилди.
Қайд этилишича, Сирдарё тумани қишлоқ хўжалиги бўлими ходими 1989 йилда туғилган укаси билан ўзаро тил бириктириб, Сайхунобод тумани ҳудудидаги 5 гектар ер майдонини тегишли ташкилотлардаги танишлари орқали харидор номига расмийлаштириб бериш эвазига 40 минг доллар талаб қилган.
ДХХнинг Сирдарё вилояти бўйича бошқармаси ходимлари томонидан Иқтисодий жиноятларга қарши курашиш департаментининг ҳудудий бошқармаси билан ҳамкорликда Гулистон шаҳрида ўтказилган тезкор тадбирда улар олдиндан 20 минг долларни олган вақтида ушланган.
Ҳолат юзасидан мазкур шахсларга нисбатан Жиноят кодексининг тегишли моддалари билан жиноят иши қўзғатилган.
Изоҳ (0)