Ўзбекистонда дам олиш кунлари ҳарорат аста-секин кўтарилади

Ўзбекистон ҳудуди бўйича совуқ антициклон перифериясининг таъсири жума ва дам олиш кунлари аста-секин кучсизланиши давом этади, деб хабар бермоқда “Ўзгидромет”.

Республиканинг барча ҳудудлари бўйича асосан кам булутли, ёғингарчиликсиз об-ҳаво бўлиши кутилмоқда. Жойларда туман тушиши кузатилади.

Республика ҳудуди бўйича ҳаво ҳароратининг кўтарилиши нотекис бўлади. Бугун кундузи республиканинг катта қисмида ҳарорат 0-5 даража илиқ атрофида, Сурхондарё вилоятида 7-10 даража илиқ бўлади. Аммо Жиззах, Сирдарё вилоятларининг айрим жойларида 2-4 даража совуқ атрофида бўлиши сақланиб туради.

Дам олиш кунлари республика бўйича ҳаво массасининг аста-секин кўтарилиши давом этади. Ҳарорат кечалари 3-8 даража совуқ, Жиззах, Сирдарё вилоятларининг айрим жойларида 10-12 даража совуқ атрофида бўлади. Кундуз кунлари ҳарорат 2-7 даража илиқ, Сурхондарё вилоятида 10 даражагача илиқ бўлади.

Тошкентда дам олиш кунлари ёғингарчилик кутилмайди. Ҳаво ҳарорати якшанба куни 5-7 даражагача кўтарилади. Кечалари 3-5 даража совуқ бўлади.