“Реал” бош мураббийи Карло Анчелотти “Атлетико”га қарши Испания Кубоги чорак финали баҳсидан сўнг (3:1) ўз фикрларини билдириб ўтди.
“Ҳар бир футболчининг, жумладан, захира ўйинчиларининг ҳам фидоийлиги кўп нарсани ҳал қилади. Ҳал қилувчи паллаларда ўзгаришларни амалга ошира оладиган футболчилар борлиги жуда яхши. Бугун ҳам қийин ўйинда иштирок этдик. ‘Атлетикo’ биринчи бўлимда яхшироқ ўйнади, бироқ, иккинчи бўлим бизнинг фойдамизга ҳал бўлди. Қўшимча бўлимларда эса футболчиларим тўғри йўлда эди.
‘Вильярреал’га қарши ўйиннинг танаффус вақтида жуда ғазаблангандим, лекин бугун ундай бўлмади. ‘Реал’да ўйинни яхшилаш учун ресурслар доим бўлганига ишонаман. Иккинчи бўлим тактик ўзгаришлардан кўра кўпроқ менталитет билан боғлиқ. Алмаштиришлар ҳам жамоага фойда берди. ‘Реал’нинг биринчи бўлимда ёмон ўйнаши-ю, қандай қилиб иккинчи бўлимда яхшироқ ҳаракат қилганини мен ҳам тушуна олмайман“, — дейди Анчелотти.
Изоҳ (0)