Гулистондаги уйда газ портлашидан бир киши тан жароҳати олди

Сирдарё вилоятининг Гулистон шаҳридаги хонадонларнинг бирида газ портлади.

Вилоят ФВБ матбуот хизматининг маълум қилишича, воқеа 26 январь куни Ал-Хоразмий кўчасидаги хонадонда юз берган.

Ҳодиса оқибатида ёнғин содир бўлмаган, хонадон ошхонасининг кириш эшиги ва деразаси қисман шикастланган ҳамда бир нафар фуқаро тан жароҳати олиб, шифохонага юборилган.

Ҳозирда ушбу ҳодиса сабаби ва моддий зарар миқдори аниқланмоқда.