“Ёшлар — келажагимиз” жамғармаси Қашқадарё вилояти филиали собиқ бошлиғи 1,8 млрд сўмни талон-торож қилганликда гумонланиб, жиноят иши қўзғатилди.
Вилоят прокуратура матбуот хизматининг маълум қилишича, у Қарши шаҳридаги фаолият кўрсатувчи МЧЖ раҳбари билан жиноий тил бириктириб, ўзига ишониб топширилган ва ихтиёрида бўлган “Ёшлар — келажагимиз” жамғармаси вилоят филиалининг 1,8 миллиард сўм пул маблағларини ўзлаштириш ва растрата қилиш йўли билан талон-торож қилган.
Мазкур ҳолат юзасидан Қарши шаҳар прокуратураси томонидан Жиноят кодексининг 167- ва 209-моддалари билан жиноят иши қўзғатилиб, дастлабки тергов ҳаракатлари олиб борилмоқда.
Дастлабки тергов давомида икки нафар шахсга нисбатан қамоққа олиш тарзидаги эҳтиёт чораси қўлланилган.
Терговнинг бориши вилоят прокуратураси томонидан алоҳида назоратга олинган.
Изоҳ (0)