Венгриянинг WizzAir авиакомпанияси Абу-Даби ва Тошкентни тўғридан тўғри рейслар билан боғлаши ҳақида хабар берилган эди. 25 январь куни ушбу авиакомпания самолёти Тошкентга келиб қўнди.
Uzbekistan Airports матбуот хизматининг маълум қилишича, янги Абу-Даби—Тошкент—Абу Даби йўналишида Airbus A321neo самолётида келган экипаж ва йўловчилар терминалда тантанали равишда кутиб олинди.
Ушбу йўналишда тўғридан тўғри мунтазам рейслар А320/321 самолётларида ҳафтасига уч марта — душанба, чоршанба ва жума кунлари амалга оширилиши режалаштирилган. Чипталар нархи бир томонга 45 доллардан бошланади.
WizzAir 2022 йилнинг декабридан бошлаб Самарқанд аэропортига ҳафтасига икки марта — сешанба ва шанба кунлари парвозларни ҳам амалга ошириб келмоқда.
Изоҳ (0)