Бугун,

  • USD 11095.31
  • RUB 173.84
  • EUR 10772.44

Украина қўшинлари Донецк вилоятидаги Соледар шаҳрини тарк этиб, аввалдан тайёрланган позицияларга жойлашди. Бу ҳақда Украина армияси Шарқий гуруҳи спикери Сергей Череватийга таяниб, BBC хабар берди.

Фото: AP / Lipkos

“Шахсий ҳаётини сақлаб қолиш учун Мудофаа кучлари Соледардан узоқлашди. Улар олдиндан тайёрланган мудофаа чизиғига ўрнашиб олди. Асосий вазифани бажарди: улар Россия қўшинларига фронтнинг Донецк йўналиши бўйлаб ёриб ўтишга имкон бермади”, — дейди Череватий.

Унинг таъкидлашича, Соледардаги фронт чизиғи бирлаштирилган: украиналик ҳарбийларни қамал қилиш ёки қўлга олиш ҳолатлари кузатилмаган.

“Бу уруш. Ҳар бир қўмондон ўз қўшинлари учун максимал фойда билан ҳаракат қилади. Биз Россиядай жангчиларни қирғинга ташлай олмаймиз. Рус армиясини максимал даражада толиқтириш учун манёвр, ўт очиш, кичик гуруҳлар тактикасини қўллашга ҳаракат қилмоқдамиз”, — дея қўшимча қилди у.

Украина расмийсининг таъкидлашича, ҳозирда Россия “Киев вилояти, Харков операцияси, Лиман, Херсонда сезиларли мағлубиятга учрагани фонида кичик Соледар шаҳарчасига” эътибор қаратмоқчи.

Мавзуга доир:

Изоҳ
Асосий янгиликлар
Маҳаллий
“Андижонда 127 минг нафар ишсиз фуқаро мавжуд. Ҳар йили яна 50 минг нафар ёшлар меҳнат бозорига кириб келади” — президент 
Маҳаллий
Ўзбекистонда 2 февралдан метан заправкалар фаолияти тикланади
Маҳаллий
Жиззах, Самарқанд, Фарғонада электр тармоғига ноқонуний уланиб, қарийб 250 млн сўм зарар етказган тадбиркорлар ушланди