Испания ва Британияда машҳур бўлган актриса, Чарли Чаплиннинг невараси Уна Чаплин “Аватар” фильмининг учинчи қисмида суратга тушади. Бу ҳақда “Аватар: Сув йўли” фильми продюсери Жон Ландау маълум қилди, деб ёзмоқда ScreenRant.
.jpg)
Уна Чаплин кинокартинада Наъви олов қабиласининг раҳбари Варанг исмли қаҳрамон ролини ўйнайди. Ландаунинг сўзларига кўра, у абориген қабиласининг бошқа вакилларига қараганда кўпроқ салбий қаҳрамон бўлади.
“Яхши ва ёмон одамлар бор. Наъви қабиласида ҳам худди шундай. Бироқ инсонлар ўзларини ёмон деб ўйламайди. Уларнинг биз ёмон деб билган инсонга айланишининг асл сабаби нимада?”, — дейди продюсер.
Режиссёр Жеймс Кемерон “Аватар” илмий-фантастик блокбастерининг янги қисмида Наъви ва инсонлар билан боғлиқ саҳналарни бирга суратга олиш жуда қийин бўлганини маълум қилган. Кемерон бу ҳолатда кўп вақтини Наъви қабиласи билан ўтказадиган Ўргимчак (Жек чемпион) исмли қаҳрамон иштирокидаги саҳналарни назарда тутган.
Изоҳ (0)