Тошкент шаҳрида 23 январь куни йўловчи автобуси светофорнинг қизил чироғида ҳаракатланди. “Тошшаҳартрансхизмат” ҳолат юзасидан муносабат билдирди.
Қайд этилишича, мазкур қоидабузарлик “4-Автобус саройи” филиалига бириктирилган MAN русумли, давлат рақами “01 620 BKA”, сарой рақами 005-бўлган 38-сонли автобус ҳайдовчиси А.Н. томонидан амалга оширилгани аниқланган.
Ҳозирда мазкур қоидабузарликка нисбатан Тошкент шаҳар Ички ишлар бош бошқармаси Йўл ҳаракати хавфсизлиги ходимлари томонидан маъмурий баённома расмийлаштирилиб, қоидани бузган автобус ҳайдовчиси жаримага тортилган.
Изоҳ (0)