Тошкент вилоятида чақирув асосида келган тиббиёт ходими калтакланди
Тошкент вилоятининг Тошкент туманида тиббиёт ходимига жароҳат етказган шахсга жиноят иши қўзғатилади. Бу ҳақда вилоят ИИББ матбуот хизмати хабар берди.
Аниқланишича, 23 январь куни 16:30 ларда Тошкент тумани ТТЁБ эркак ходимлари (шифокор ва фельдшер) хизмат вақтида келиб тушган чақирувга асосан, туман “Қорабўриқ” МФЙга етиб борган.
Хонадонда йиқилиб тушиб, жароҳат олган бемор аёлга биринчи тиббий ёрдам кўрсатилаётган вақтда, аёлнинг ўғли (1999 йилда туғилган Ў.А.) кириб келиб, нега аёл ҳамшира келмади, деб жанжал қилган.
Шунга қарамай, тиббиёт ходимлари хизмат вазифасини бажарган ва заруратга кўра беморни шифохонага олиб борган.
Шу вақтда беморнинг ўғли келиб, тушунтиришларга қарамай, жанжални давом эттирган ва фельдшер — 1993 йилда туғилган У.У.ни қўллари билан уриб, тан жароҳати етказган. Унинг олган тан жароҳатлари бўйича тиббий экспертиза тайинланган.
24 ёшли фуқаро Ў.А. ИИБ ходимлари томонидан процессуал тартибда ушланган, ҳолат юзасидан жиноят иши қўзғатилиб, Тошкент тумани ИИБ томонидан тергов-суриштирув ишлари олиб борилмоқда.
Sherif Mafiya
To'g'rida nega 103 ga chaqiruv qoldirsez bemor erkak bo'lsa ayol shifokor, ayol bemor bo'lsa erkak shifokor keladi bu qanaqa maynavozchilik bu, o'tirgan farosatsizlar qatga qarab yuboradi shfokorlarni, odamlarni ustidan kulishmi bu? To'ppa to'g'ri qilipti man o'zim xam bir necha bor sinadim, atiyin ayol bemor ayol kishi kelsin didim ularga farqi yoqdur ammo bizlarga farqi bor. Ular balki dayusdur ayolini erkak kishiga ko'rsatib qo'yadigan. Shu masalaga mutasaddilar etiborli bo'linglar, zayavka qabul qilganda yoziladiku ayol erkak deb.