Peopletalk нашри 2022 йилда энг кўп ҳақ тўланган машҳур рўйхатини тақдим этди. Хўш, кучли ўнталикка кимлар кирган бўлиши мумкин?
10-ўрин — Боб Дилан
Америкалик, қўшиқлар муаллифи Боб Дилан бир йилда 130 миллион доллар топиб, рейтингда ўнинчи ўринни эгаллади.
9-ўрин — Райан Теддер
Тўққизинчи ўринни 160 миллион доллар ишлаб топган OneRepublic поп-рок гуруҳининг вокалисти Райан Теддер эгаллади. У нафақат ўз гуруҳи учун, балки Бейонсе, Адель ва бошқа хонандалар учун ҳам қўшиқлар ёзади.
8-ўрин — Тайлер Перри
Америкалик актёр, режиссёр, тадбиркор Тайлер Перри 165 миллион доллар билан саккизинчи ўринга лойиқ кўрилди.
7-ўрин — Пол Саймон
Америкалик рок йўналишида ижод қилувчи хонанда Пол Саймон бир йилда 200 миллион доллар ишлаб топди. Пол Саймон ўтган йили у юзлаб композицияларини Sony Music Publishing мусиқий компаниясига тахминан 250 миллион долларга сотган.
6-ўрин — Трей Паркер ва Мэтт Стоун
«Жанубий Парк» анимацион сериалининг муаллифлари Трей Паркер ва Мэтт Стоун 210 миллион доллар ишлаб топиб олтинчи ўринни банд қилди.
5-ўрин — Канье Уэст
Америкалик рэпер Канье Уэст 235 миллион доллар билан рўйхатда бешинчи ўринни эгаллади.
4-0‘рин — Дуэйн Жонсон
Тўртинчи ўринни 270 миллион доллар ишлаб топган Голливуд юлдузи Дуэйн Жонсон эгаллади.
3-ўрин — Jay-Z
Учинчи ўринни Tidal мусиқий сервиси ва Armand de Brignac ичимлик бренди акцияларини сотиш орқали 340 миллион доллар ишлаб топган рэпер Jay-Z банд қилди.
2-ўрин — Брюс Спрингстин
Американинг The E Street Band гуруҳи раҳбари Брюс Спрингстин бир йилда 435 миллион доллар ишлаб топди. У ўзининг қўшиқлари каталогини Sony Music Group’га 500 миллион долларга сотди.
1-ўрин — Питер Жексон
«Узуклар ҳукмдори» фильмининг режиссёри Питер Жексон 580 миллион доллар билан рўйхатда биринчи ўринни эгаллади. У Weta Digital визуал эффектлар фирмасини Unity Software’га 1,6 миллиард долларга сотди.
Мавзуга доир:
- «Етарлича идеал эмас»: ташқи кўриниши туфайли кастингдан ўтолмаган машҳурлар (фото).
- Ишдан ҳайдалган Мадонна, ухлаб қолгани учун актриса бўлган Мерил Стрип, уйида шер ва фил боққан Мелани Гриффит — машҳурлар ҳақида сиз билмайдиган қизиқарли фактлар.
- Машҳурлар қандай уйларда яшайди? Энг замонавий уйларнинг бетакрор интерьерлари.
- Майкл Жексон, Николас Кейж ва бойлигини бирданига йўқотиб, камбағалга айланган бошқа бадавлат машҳурлар (фото).
Изоҳ (0)