Бугун,

  • USD 11095.31
  • RUB 173.84
  • EUR 10772.44

Қорақалпоғистоннинг Хўжайли туманида онаси ва имконияти чекланган акасини калтаклаган шахсга суд ҳукми ўқилди. Бу ҳақда Хўжайли тумани ҳокимлиги хабар берди.

Маълум қилинишича, мазкур ҳолат Жиноят ишлари бўйича Хўжайли тумани судида кўриб чиқилган.

Жиноят ишлари бўйича туман судьяси Ибрайим Алланиязовнинг маълумот беришича, онаси ва акасини калтаклаган 46 ёшли шахс Маъмурий жавобгарлик тўғрисидаги кодекснинг 183-моддаси (майда безорилик) ва 187-моддаси (жамоат жойларида алкоголь маҳсулотини истеъмол қилиш) билан айбдор деб топилган. Фуқаро 80 ёшли онаси ва имконияти чекланган акасини мунтазам равишда уриб, уларни қийноққа солиб келган.

Қўшимча қилинишича, жамоат жойида маст ҳолда безорилик қилган 46 ёшли фуқаро уни тартибга чақиришга уринган ИИБ ходимининг қонуний талабларига ҳам бўйсунмаган. Шу сабаб Маъмурий жавобгарлик тўғрисидаги кодекснинг яна бир моддаси талабини бузган фуқарога умумий тарзда 15 сутка маъмурий қамоқ жазоси тайинланган.

Хўжайли тумани ҳокимлиги эълон қилган видеода ўғлидан калтак еб, хўрланган онанинг «Йўқ бўлсин, ўлиги ҳам, тириги ҳам керакмас. Бу бечора (имконияти чекланган акаси)ни ҳар куни уради. Ичиб келса кўзига ҳеч нима кўринмайди», деган сўзларини эшитиш мумкин.

Ижтимоий тармоқнинг қорақалпоқ сегментида ушбу видео кескин муҳокамаларга сабаб бўлган. Кўпчилик фойдаланувчилар фуқаронинг онаси ва акасига нисбатан қилган хатти-ҳаракатларини қоралаб, 15 суткалик маъмурий қамоқ жазоси аслида унга камлиги таъкидлаган.

Изоҳ
Асосий янгиликлар
Маҳаллий
Шавкат Мирзиёев Ўзбекистон халқини Наврўз байрами билан табриклади
Маҳаллий
Қамчиқ довонида нефть маҳсулоти ортилган махсус юк машинаси ағдарилиб кетди
Маҳаллий
Ўзбекистонда 22 март куни қандай об-ҳаво бўлиши маълум қилинди