Қишда уйга нам кирларни осиб қўйиш девор ва шифтдаги моғор пайдо бўлиш хавфини 30 фоизга оширишини кўплаб инсонлар билмайди. «Детальи» нашри совуқ ва нам мавсумда кийимларни қандай қуритиш кераклиги ҳақида маълумот берди.
Қишда деразалар уйни иситиш учун ёпилганда, деворларда, мебелларда, болалар ўйинчоқларида ва ҳаттоки шкафлардаги кийимларда моғорлаш ҳолатига дуч келиш мумкин. Бу уйдаги намликнинг юқори даражаси туфайли пайдо бўлади, бундан ташқари, ёмғирли об-ҳаво ҳам моғорланишни келтириб чиқаради. Уйнинг ичида намликнинг ривожланишига ва моғор тарқалишига ёрдам берадиган омиллар ҳам мавжуд.
Уйда моғор бўлиши қай даражада хавфли?
Намлик ва моғор пайдо бўлиши биз нафас олаётган ҳаво сифатини ёмонлаштириши ва соғлиғимизга таъсир қилиши мумкин. Бундан ташқари, қишда уйда кўпроқ вақт ўтказсак, бу хавфнинг янада ортишига сабаб бўлади. Моғор — ўсимликка ўхшаш қўзиқорин бўлиб, унинг илдизлари, поялари ва споралари бўлиб, баъзида унинг юзасига чуқур кириб боришига имкон беради, бу ҳолат эса бизга сезилмаслиги мумкин.
Бироқ, бизнинг асосий муаммомиз ҳаводаги микроскопик споралар бўлиб, улар кўпайиш ва тарқалиш учун моғорга айланади. Аксарият инсонларга споралар таъсир қилиши бурун битиб қолиши, йўтал ва кўзларнинг қичиши каби аломатларни келтириб чиқариши мумкин. Астма, нафас олиш муаммолари, заиф иммунитет ёки ўзига хос аллергия билан оғриган одамлар учун оқибатлар анча жиддийроқ кечади.
Қишда кийимларни қандай қуритиш керак?
Қишда киядиган кийимларимизнинг сони ортиб боришидан бошлайлик — иссиқ кийимлар катта ва оғир, биз ҳам уларни қатма-қат кийишга мажбурмиз. Пайпоқлар, шарфлар, пальтолар ва кўрпалар, умуман олганда ювиш ва қуритиш учун жуда кўп кийим бор.
Совуқ ва ёмғирли кунларда қуритгичдан фойдаланиш нафақат кийимингизни тез қуритишга ёрдам беради, балки уйда ортиқча намлик пайдо бўлишининг олдини олади. Агар сиз замонавий жиҳозни танласангиз, электр энергияси учун тўловларни тежашингиз мумкин бўлади.
Агар сиз нам кийимларни осиб қўйиб қуритишни афзал кўрсангиз, қишда ҳам уни ташқарида илишга ҳаракат қилинг. Бундай имконият йўқми? Шундай бўлса, уйдаги очиқ дераза ёнига қатланадиган қуритгични қўйинг. Бу конденсациянинг деворларга, гиламларга ва мебелларга тушишини, уйингиздаги намлик даражасини тахминан 30 фоизга ошишини ва моғор ривожланиши учун қулай муҳит яралишини олдини олади.
Намлик ва моғордан қутулишнинг яна қандай усуллари бор?
Мутахассислар қишда уйда намлик ва моғор кўпайишининг олдини олиш бўйича қўшимча маслаҳатлар беради:
- Кир ювиш машинасига ортиқча кийимларни солманг. Қурилманинг айланиш жараёни тўғри бажарилаётганига эътибор беринг ва бу қуритиш учун зарур бўлган вақтни қисқартиради.
- Шкафларингиз тартибли бўлиши ва унда ҳаво яхши айланиши керак. Кийимлар билан тўла жавонларда моғор пайдо бўлиши мумкин. Шунинг учун, нарсаларни тахлаётганда, кийимлар орасидаги бўшлиқларни қолдиринг ва яхши кунларда шкафларнинг деразалари ва эшикларини очинг, шунда улар яхши вентиляция қилинади.
- Кир ювиш машинаси ёки қуритгични ишга туширганингизда, овқат тайёрлаганингизда ёки иссиқ душ ёки ҳаммомга тушганингизда деразаларни очинг. Мунтазам шамоллатиш хонада ҳаво айланишини таъминлайди ва намлик ва моғорнинг пайдо бўлишига йўл қўймайди.
- Кир машинада ювиш тавсия этилмайдиган кийимлар
- Ҳар бир аёлни озғин кўрсатишга ёрдам берадиган 6 та қишки кийим.
- Белни семиз кўрсатади, қоматга путур етказади: қишки образ яратишда кўпчилик йўл қўядиган 4 та асосий хато.
- Қишки капсула: Гардеробингизда албатта жой олиши керак бўлган 10 хил кийим-кечак.
Изоҳ (0)