Ўзбекистонга 2022 йилда 5 миллиондан ортиқ сайёҳ ташриф буюрди

Ўзбекистонга 2022 йилнинг январь—декабрь ойларида 5,2 миллион нафар чет эл фуқаролари туристик мақсадларда ташриф буюрган. Бу ҳақда Статистика агентлиги хабар қилди.

Қайд этилишича, бу кўрсаткич ўтган йилнинг мос даври билан солиштирилганда 3,4 миллион нафарга ёки 2,8 бараварга ошган.

Ўзбекистонга 2022 йилда энг кўп қайси давлатларнинг фуқаролари туристик мақсадда ташриф буюрган?

• Қозоғистон – 1551,1 минг нафар;
• Тожикистон – 1447,8 минг нафар;
• Қирғизистон – 1356,9 минг нафар;
• Россия – 567,7 минг нафар;
• Туркия – 75,6 минг нафар;
• Жанубий Корея – 19,9 минг нафар;
• Германия – 17,7 минг нафар;
• Ҳиндистон – 16,8 минг нафар;
• АҚШ – 13,1 минг нафар;
• Франция – 11 минг нафар;
• Буюк Британия – 10,5 минг нафар;
• Озарбайжон – 10,4 минг нафар;
• Италия – 8,8 минг нафар;
• Испания – 6,3 минг нафар;
• Хитой – 5,4 минг нафар.