АҚШ ҳукумати 510 та номаълум учар жисм ҳақидаги маълумотларни текширмоқда, бу 2022 йилга нисбатан уч баравар кўп. Бу ҳақда ABS News хабар берди.
АҚШ Миллий разведка директорининг 2022 йилги ҳисоботида айтилишича, 2021 йил июнь ойидан бери номаълум аномал ҳодисалар ҳақида 247 та ҳисобот тақдим этилган. Сўнгги 17 йил ичида эски видеоёзувларда 119 та ҳолат кузатилган. Бироқ 510 та ҳисобот ҳали ўрганиб чиқилмаган. Янги маълумотларнинг аксарияти АҚШ денгиз флоти ва ҳаво кучлари учувчиларидан келади. Уларнинг 200 га яқини ҳаво шарлари, дронлар, об-ҳаво ҳодисалари ва ҳаводаги пластик қопларни ўзи ичига олган.
Аммо ўрганилмаган номаълум учар жисмлар Пентагон, АҚШ разведка хизматлари ва NASAнинг диққат марказида. Улар номаълум учар жисмлар разведка аппаратлари бўлиши мумкинлигидан қўрқади.
«Номаълум учар жисмлар АҚШ Ҳарбий-ҳаво кучлари парвозларига хавф туғдиришда давом этмоқда ва душман маълумотларини йиғиш учун потенциал хавф туғдириши мумкин», — дейилади ҳисоботда.
Мавзуга доир: Пентагон Ерга ўзга сайёраликлар ташриф буюрганини исботловчи далилларни топа олмади
Изоҳ (0)