АҚШ президенти Жо Байден ўз лавозимига киришганидан буён биринчи марта Эл-Пасо шаҳрида Америка-Мексика чегарасини кўздан кечирди, деб хабар бермоқда АП. Давлат раҳбари Техас губернатори, республикаси Грег Эбботт билан учрашди, у амалдаги маъмуриятнинг миграция сиёсатини танқид қилиб келади.
Байденнинг ташрифи чоғида чегарачилар унга автомобилларни тинтув қилиб, наркотиклар, пул ва бошқа контрабанда маҳсулотларини қидириш жараёнини намойиш этди. Губернатор президентга ўз мактубини топширди, унда Байденнинг сиёсати чегарада тартибсизлик юзага келишида айбдор қилинган.
Президентнинг Эл-Пасога ташрифи бир неча соат давом этди. Шаҳар чегарани ноқонуний кесиб ўтиш учун энг катта йўлак ҳисобланади, деб ёзади АП. Бу кўп жиҳатдан Никарагуа фуқаролари АҚШда бошпанага эга бўлишга интилаётгани билан боғлиқ.
Жо Байден аввалроқ ноқонуний муҳожирларни тезкор депортация қилиш амалиётини кенгайтиришни буюрган ва мамлакатга Никарагуа, Куба ва Гаитидан ойига фақат 30 минг кишини қонуний асосда киргизишни таклиф қилган эди. 2022 йилда ноқонуний муҳожирлар сони биринчи марта 2,4 миллион кишини ташкил қилган.
Изоҳ (0)