Ўзбекистонда 2023 йилда қурилиш чиқинди полигонларини қуриш учун бюджетдан қарийб 28 миллиард сўм, тиббиёт чиқиндиларини зарарсизлантириш участкаларини қуриш учун 50 миллиард сўм ажратилади. Бу ҳақда Табиат ресурслари вазирлиги масъул ходими Жамшид Ишчанов маълум қилди.
Унинг қайд этишича, 1 январдан кучга кирган кирган қонунга кўра, чиқиндиларни тўплаш, олиб чиқиш, саралаш ва қайта ишлаш фаолиятидан олинган даромадлар ҳисобот даври якунлари бўйича жами даромаднинг камида 90 фоизини ташкил этган солиқ тўловчилар учун 2023 йил 1 январдан 2026 йил 1 январга қадар бўлган даврда мазкур фаолият тури бўйича фойда солиғи ва ижтимоий солиқ ставкалари 1 фоиз миқдорида этиб белгиланди.
2023—2025 йиллар учун тасдиқланган манзилли дастурларга асосан 29 та қаттиқ маиший чиқинди полигонини рекултивация қилиш, 437 та чиқинди йиғиш шохобчаларини қуриш, 26 та қурилиш чиқинди полигонини ташкил этиш, ижтимоий соҳа объектларига 18 867 та чиқинди контейнери харид қилиш, 38 та қаттиқ маиший чиқиндиларни қайта юклаш станциясини ташкил этиш, 60 та тиббиёт чиқиндиларини зарарсизлантириш участкасини ташкил этиш ҳамда саралаш ускуналарини ўрнатиш учун жами 1,1 триллион сўм маблағларни молиялаштирилиши режалаштирилмоқда.
Хусусан, 2023 йилда ушбу дастур ижроси учун жами 170 миллиард сўм, шу жумладан қурилиш чиқинди полигонларини қуриш учун 27,8 миллиард сўм ва қайта юклаш станцияларини ташкил этиш учун 92,2 миллиард сўм ҳамда тиббиёт чиқиндиларини зарарсизлантириш участкаларини қуриш учун 50 миллиард сўм маблағлар молиялаштирилиши белгиланди.
Мавзуга доир: Ўзбекистонда экологик талабларга жавоб бермайдиган 29 та чиқинди полигонлари ёпилади
Изоҳ (0)