Навоий шаҳрида 2022 йилнинг 20 август куни қоидабузарнинг тарафини олиб, йўл-патруль хизмати инспекторини урган аёл жазоланди, деб хабар беради Йўл ҳаракати хавфсизлиги хизмати.
Қайд этилишича, шу куни тунги соат 3:30 лар атрофида хизматга жалб этилган ЙПХ ходимлари Nexia автомашинасини тўхтатган. Ҳайдовчидан автомобилни бошқариш ҳуқуқини берувчи ҳужжатлари сўралганда, фуқаро уларни тақдим этишдан бош тортган.
Ҳолат юзасидан Маъмурий жавобгарлик тўғрисидаги кодекснинг 194-моддасига (ички ишлар органлари ходимининг қонуний талабларини бажармаслик) асосан баённома расмийлаштирилган.
Жавобгарликдан бўйин товлаган ҳайдовчи воқеа жойига таниш аёлни чақирган. Аёл эса ЙПХ ходимларини ҳақорат қилиб, тан жароҳати етказишга уринган.
Даъвогарнинг даъвоси йўқлиги, аёлнинг қарамоғида вояга етмаган фарзанди борлиги, айбидан пушаймонлиги инобатга олиниб, унга нисбатан узил-кесил 2 йил муддатга озодликни чеклаш жазоси тайинланган.
Изоҳ (1)
Qonun bor hammaga