28 ёшли йигит Росс Смит ва унинг 95 ёшда бўлган бувиси кулгили суратлари, видеолари билан ижтимоий тармоқларда машҳурликка эришди.
«Менинг бувим олов», — деб ёзади ижтимоий тармоқларда 28 ёшли йигит Росс Смит бувиси ҳақида. Ҳақиқатан ҳам унинг бувиси ижтимоий тармоқ фойдаланувчиларини видеолари ва суратлари билан ҳайратга қолдирган.
Росс бувисининг баскетбол ўйнаётганда тўпни тўсиб қўйгани акс этган қисқа видеони суратга олганидан кейин машҳурликка эришди. Бироқ, унинг бувиси ўша пайтда 90 ёшда бўлмаган, «атиги» 87 ёшда эди. Видео ижтимоий тармоқларни «портлатиб» юборди.
Росс бундай потенциални йўқотмаслик керак деб қарор қилди ва дарҳол йўналишини танлади: у тармоқда каналлар ва саҳифалар яратди, бувиси билан кулгили видеолар, фотосессияларни суратга ола бошлади.
Қаердадир ҳазил-мутойиба, қаердадир шунчаки ажойиб либослардаги кулгили суратлар ёки машҳур фильмлардаги қайта ишланган саҳналар — дуэт бир неча йил ичида миллиондан ортиқ мухлисларга эга бўлди.
Буви ва набираларнинг самимийлиги уларнинг кузатувчиларининг эътиборини тортган. Улар рол ўйнамайди, балки чин дилдан бир-бирининг кайфиятини кўтариб, бошқаларга ҳам кўтаринки руҳ бахш этади. Улар ҳаттоки таниқли америкалик актёр Чак Норрисни ҳам ҳайратда қолдиришга муваффақ бўлди, у буви ва неваранинг фотосуратларидан бирида пайдо бўлди.
Курка шаклидаги костюмни, америкалик футболчи формаси ёки пушти кигуруми кийишдан уялмайдиган бувиларни кўрганмисиз? Булар шунчаки сурат холос.
Бундан ташқари, бу ўйин-кулги маблағни яхши кўпайтиради, чунки буви ва унинг невараси рекламадан жуда яхши пул топади. Коронавирус пандемияси туфайли улар вақтинча ажрашишга мажбур бўлди. Кекса инсонларнинг ҳаёти хавф остида бўлиб, улар ҳам соғлиғи учун ўзларини изоляция қилиши керак эди. Бироқ орадан вақт ўтиб буви ва набира яна бирга ижод қила бошлади — улар ижтимоий тармоқларда янги ижод намуналарини мухлисларига тақдим этди.
Изоҳ (0)