Шотландиядаги дарё музли қуймоқлар билан қопланди (фото)

Шотландиянинг Бладнох дарёсининг қирғоқларида қуймоқларга ўхшаш ғалати оқ дисклар ҳосил бўлди, деб хабар бермоқда Hi-Tech нашри.

Бу жуда совуқ ҳароратдаги океанлар, кўллар ва дарёларда кам учрайдиган тузилмалар — «музли қуймоқлар» деб аталади. Уларнинг пайдо бўлишида сув юзасидаги музлаган кўпик иштирок этади. У спирал оқимга киради, буришади ва қаттиқлашади, шундан кейин дисклар ҳосил бўлади. Гирдобда улар бир-бири билан боғланиб, катталашиб боради.

Шотландия инвазив турлар ташаббуси лойиҳаси (SISI) менежери ва сурат муаллифи Каллум Цинклер: «Мен аввал музли қуймоқларни кўрганман. Бироқ улар бошқа «музли қуймоқлар»га қараганда мукаммал шакли билан қизиқарли эди», — деб фикр билдирган.

Дисклар турли ўлчамларда бўлиши мумкин. Уларнинг энг кичиги тахминан 20 сантиметрни, каттаси эса 200 сантиметрни ташкил этади. Қуймоқлар суратда қаттиқ кўринишига қарамай, аслида уларни синдириш жуда осон.