Қозоғистонлик чўпон бола Тўйбек Саят қишлоқ ҳаёти, ёлғизлик ҳақидаги видеоларини ижтимоий тармоққа жойлаштириш орқали машҳурликка эришди. Унинг видеолари бир неча ой ичида ўн миллионлаб кўрилишларга эга бўлди.
Масалан, Тўйбекнинг туғилган кунидан олинган видео ижтимоий тармоқ фойдаланувчиларида катта таассурот қолдирди: ёш блогер ўзига торт тайёрлаб, ёлғиз ўзи туғилган кунини нишонлади ва уйқуга кетишдан олдин йиғлади.
У ўз видеоларида анъанавий влог форматларидан фойдаланади, масалан, ҳаётидаги бир кунни кўрсатади, машҳур трекларни эшитиб таомлар пиширади.
Тўйбек учун одатий кун шундай ўтади: у эрталаб соат 7:00 да туради, кийинади ва кўзадаги сувдан ювинади, 7:30 да нонушта қилади, 8:00 да уйдан чиқиб далага кетади. Чўпон тахминан соат 18:00 да қайтиб келади, 19:00 дан кейин кечки овқатни истеъмол қилади, кейин ижтимоий тармоқларга киради, телевизор кўради, дарсларини қилади ва соат кечки 22:00 да ухлайди.
Чўпон бола Тўйбекнинг туғилган кунини нишонлагани акс этган видеоролик томошабинларга манзур бўлмоқда. У қайғули мусиқани эшитиб микротўлқинли печда ўзи учун торт пиширади. Роппа-роса кечки 12:00 да у шамни ўчиради ва ёлғизликда бир бўлак торт ейди. Ухлашдан олдин бола мушукни қучоқлайди ва йиғлайди.
Тўйбек TikTok’га сентябрь ойида қўшилган, бироқ унинг ҳозирда кўплаб кузатувчилари бор ва чўпон улар билан ижтимоий тармоқларда мулоқот қилади. Яқинда ижтимоий тармоқ фойдаланувчилари блогерга iPhone совға қилди.
Изоҳ (0)